اکبر ایکسپریس ٹرین حادثہ: نو شہرہ ور کاں کے دوکمسن بھائی بھی جاں بحق، تفصیلات جان لیں

تیرہ سالہ فراز احمد اور تین سالہ احمد رضا ننھیال جا رہے تھے ،ماں بھی زخمی
نو شہرہ ور کاں ( تحصیل رپورٹر)صادق آباد ٹرین حادثہ میں نو شہرہ ور کاں کے دوکمسن بھائی بھی جاں بحق ہو گئے جبکہ ان کی والدہ شدید زخمی ہو گئیں ۔ گذشتہ روز صادق آباد کے قریب ٹرین حادثہ میں جاں بحق اکیس افراد میں نوشہرہ ور کاں کے نواحی گائو ں کڑیال کلاں کے رہائشی شہزاد بلوچ کے دو بیٹے تیرہ سالہ فراز احمد اور تین سالہ احمد رضا بھی شامل ہیں دونوں بچے اپنی والد ہ شازیہ بی بی کے ہمراہ اپنے ننھیال خانپور جا رہے تھے محنت کش شہزاد بلوچ کے دو ہی بیٹے تھے جو ٹرین حادثہ میں جاں بحق ہوگئے دونوں بچوں کو سینکڑوں سوگواروں کی موجودگی میں کڑیال کلاں میں سپرد خاک کر دیا گیا ۔