بکروں ، چھتروں کی فرو خت کیلئے بیو پاریوں کے شاہراہوں پر ڈیرے

عید قربان قریب آتے ہی بیوپاریوں نے شہر کا رخ کرلیا اور اہم شاہرات پر بکروں ،چھتروں کی فروخت کیلئے اڈے قائم کر لئے
گوجرانوالہ (سٹی رپورٹر)عید قربان قریب آتے ہی بیوپاریوں نے شہر کا رخ کرلیا اور اہم شاہرات پر بکروں ،چھتروں کی فروخت کیلئے اڈے قائم کر لئے جبکہ ضلعی انتظامیہ کی جانب سے تاحال کوئی پوائنٹ مخصوص کیا گیا اور نہ ہی بکر منڈیوں کیلئے کوئی لائحہ عمل سامنے آیا ہے ۔پنجاب حکومت کی ہدایت پر شہری حدود میں قربانی کے جانوروں کی فروخت پر پابندی عائد کی گئی تھی مگر اس بار عید الاضحی کی آمد پر شہری حدود میں شامل اہم شاہرات ،چوراہوں پر بیوپاریوں نے بکروں ،چھتروں کی فروخت شروع کردی ہے ۔ ذرائع کے مطابق کانگو وائرس پھیلنے کے حوالے سے بھی کوئی انتظامات نہیں کئے گئے ۔