ڈسکہ :نواز شریف سٹیڈیم میں پانی جمع ، بچوں کو شدید مشکلات

کمسن مایوس ہو کر گھروں کو لو ٹنے لگے ، شہریوں کا ڈی سی سے نو ٹس لینے کا مطالبہ
ڈسکہ (نامہ نگار )نواز شریف سٹیڈیم میں چلڈرن منی پارک میں پانی جمع ہونے سے بچوں کو شدید مشکلات درپیش ہیں ۔ تفصیلات کے مطابق نواز شریف سٹیڈیم میں بچوں کیلئے جھولے وغیرہ لگائے گئے تاکہ وہ لطف اندوز ہوسکیں ، چیف آفیسر بلدیہ کی عدم توجہ کے باعث بارش کا پانی کھڑا ہے جس کے باعث بچوں کو بہت زیادہ پریشانی کا سامنا اٹھانا پڑرہا ہے اور بچے گندے پانی میں جھولے نہ ملنے مایوس دکھائی دیتے ہیں ۔ شہریوں کا کہنا ہے کہ ڈسکہ شہر میں پہلے ہی کوئی پارک کی سہولیات موجود نہیں ہیں جہاں پر بچے جاکر جھولے وغیرہ لے سکیں اور یہی ایک چھوٹی سے جگہ تھی ، ادھر میں انتظامیہ کی عدم توجہ کے باعث پانی کھڑا ہوگیا ہے او ربچوں کو کھیلنے میں دشواری کا سامنا کرنا پڑتا ہے ۔ شہریوں نے ڈپٹی کمشنر سیالکوٹ اور اسسٹنٹ کمشنر ماریہ جاوید سے مطالبہ کیا ہے کہ فوری نوٹس لیکر پانی نکلوایا جائے اور جگہ کی صفائی کر ائی جائے ۔