وعدوں کا قائل نہیں ، کارکردگی پر یقین رکھتا ہوں :حسین الٰہی

سابق حکمرانوں نے عوامی مسائل پر توجہ نہیں دی،وعدے پورے کریں گے :لیگی رہنما
گجرات (نامہ نگار، سٹی رپورٹر )پاکستان مسلم لیگ کے مرکزی رہنما چو دھری حسین الٰہی نے جلا لپور صوبتیاں ، گلی والا میں تقر یبات سے خطاب کرتے ہوئے کہا کہ وزیر اعظم عمران خان نیا پاکستان بنانے نکلے ہیں، انشا اﷲنیا گجرات بنے گا اور نیا حلقہ این اے 68بنے گا ،زبانی وعدوں کا قائل نہیں عملاً کارکردگی پر یقین رکھتا ہوں ۔ انہوں نے کہا کہ گلی والا براستہ کوٹ نکا تا ڈپئی روڈ پانچ سات برس سے ٹوٹ پھوٹ کا شکار تھی، سابق حکمرانوں نے توجہ نہیں دی ، میں نے الیکشن میں وعدہ کیا تھا جو پورا کر رہا ہوں ۔انہوں نے کہا کہ جلالپور صوبتیاں براستہ کوآنکھ تا اعوان شریف روڈ بھی برسوں سے نظر انداز ہونے کی وجہ سے تعمیر نہیں ہو سکی ، اس پر بھی کام شروع کیا جا رہا ہے ۔