اسلام آباد: فردوس عاشق اعوان نے کہا ہے کہ امریکی تاریخ میں سب سے بڑا اجتماع وزیراعظم کی مقبولیت کا ثبوت ہے، عمران خان نے جدوجہد اور مضبوط عزم سے ہمیشہ مخالفین اور ناقدین کوغلط ثابت کیا۔
وزیراعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا امریکا میں مقیم قابل فخر پاکستانیوں نے کپتان کا شاندار استقبال کر کے تاریخ رقم کر دی، وزیراعظم نے عوامی انداز سے امریکا میں مقیم پاکستانیوں کے سامنے نئے پاکستان کا وژن رکھا، ریاست مدینہ کی طرز پر ایسی ریاست کے قیام کا تصور پیش کیا جہاں حکمران جواب دہ ہوں، عمران خان دنیا میں پاکستان کی پہچان ہیں۔
امریکی تاریخ میں سب سے بڑا اجتماع وزیراعظم کی مقبولیت کا ثبوت ہے، فردوس عاشق اعوان
