گوجرانوالہ میں لڑکی نے بے وفائی کا بدلہ لینے کیلئے دو سالہ بچی کو قتل کردیا، تفصیلات جان لیں

گوجرانوالہ میں تھانہ سبزی منڈی کے علاقہ کنگنی والا میں سونیا نامی لڑکی نے اپنے محلہ دار شاہد کی دو سالہ بچی ضامنہ کو گلہ دبا کر قتل کر دیا۔ پولیس نے سونیا کے خلاف مقدمہ درج کر کے اسے حراست میں لے لیا ہے۔ پولیس کے مطابق سونیا کی شاہد سے دوستی تھی، شاہد کے گھر والوں اس کی شادی کہیں اورکردی، شادی کے باوجود دونوں کی دوستی چلتی رہی ، شاہد نے اپنی بیوی کو چھوڑ کر اس سے شادی کرنے کا وعدہ کیا لیکن بیٹی پیدا ہونے کے بعد دونوں میں جھگڑا ہو گیا، ایف آئی آر کے مطابق سونیا ضامنہ کو اپنے گھر لے گئی جہاں اس نے ننھی بچی کے منہ پر کپڑا رکھ کر اس کی جان لے لی۔ پولیس کا کہنا ہے کہ ملزمہ کو حراست میں لے لیا ہے جبکہ واقعہ کی مزید تحقیقات کی جارہی ہیں۔