وزیر آباد، بارش: دوکمسن بھائیوں اور ماموں سمیت چار افراد کرنٹ لگنے سے جاں بحق، تفصیلات جان لیں

گوجرانوالہ: وزیرآباد میں کرنٹ لگنے سے دو بھائیوں سمیت چار افراد جاں بحق ہوگئے۔ افسوس ناک واقعہ وزیرآباد کے قریب موضع کھوسر بریار میں پیش آیا جہاں 12 سالہ عباس اور 14 سلیم بارش کے دوران پمپ کو چھو گئے جس کے باعث بجلی کے شدید جھٹکے دونوں کمسن بھائیوں لگے۔ بھانجوں کو تڑپتا دیکھ کر انکے ماموں اور ایک ملازم نے انہیں بچانے کی کوشش کی مگر وہ بھی کرنٹ کی زد میں آ گئے۔ اطلاع ملنے پر ریسکیو اہلکاروں نے چاروں افراد تحصیل ہسپتال منتقل کیا مگر جان لیوا کرنٹ سے جھلنسے والے چاروں افراد جانبر نہ ہوسکے۔ واقعہ کے بعد علاقے بھر کی فضا سوگوار ہے۔