جھگڑا کرنے پر بیوی نے مبینہ طور پر شوہر کو سیم نالہ میں دھکا دے دیا، نعش کی تلاش جاری

نوشہرہ ورکاں: بیوی کے دهکے سے ڈوبنے والے پنتالیس سالہ عبدالرشید کی نعش کی تلاش کیلئے ریسکیو آپریشن آج بھی جاری رہا، تفصیلات کے مطابق عبدالرشید اور اسکی بیوی میں کھیتوں سے واپس آتے ہوئے جھگڑاہوا دونوں آپس میں گتھم گتھا ہو گئے۔ اس دوران زیبا نے عبدالرشید کو گہرے نالہ میں دھکا دے دیا۔ ریسکیو 1122 نے دس گھنٹے کی کوشش کے بعد سرچ آپریشن آج صبح تک ملتوی کر دیا۔بتایا گیا ہے کہ دو روز قبل موضع شمسہ ڈھڈہ کا رہائشی عبدالرشید جھگڑے کے دوران بیوی زیبا کے دھکے سے قاسم پور سیم نالہ میں گر کر ڈوب گیا تھا۔ دوسری طرف پولیس کی جانب سے قانونی کارروائی جاری ہے۔