جشن آزادی سائیکل ریس ،کشمیریوں سے اظہار یکجہتی کیلئے ریلی، تفصیلات جان لیں

فضا پاکستان زندہ بادکے نعروں سے گونجتی رہی، جیتنے والوں میں انعامات تقسیم
گوجرانوالہ(نیوز رپورٹر )جناح سٹیڈیم میں انصاف سپورٹس اینڈ کلچر فیڈریشن کے زیراہتمام آل پنجاب جشن آزادی سائیکل ریس کا افتتاح آر پی اوطارق عباس قریشی، آئی ایس سی ایف کے صدر سنٹرل پنجاب بابررحمن ، ڈسٹرکٹ سپورٹس آفیسر سیف الرحمن ودیگرنے ربن کا ٹ کر کیا،اس موقع پرقومی پرچم کے رنگ میں رنگے غبارے ہوا میں چھوڑے اور آتشبازی کا مظاہرہ بھی کیا گیا،20کلو میٹر سائیکل ریس میں مختلف شہروں سے آئے 115 سائیکلسٹس نے حصہ لیا اورجیتنے والوں میں کیش پرائز ،ٹرافی اور تعریفی سرٹیفکیٹس تقسیم کئے گئے ،اس موقع پر فضا پاکستان زندہ بادکے نعروں سے گونجتی رہی، آخرمیں کشمیریوں سے اظہار یکجہتی کیلئے ریلی کا انعقاد بھی کیا گیا۔