ایس ای سٹی گیپکو عزیز الرحمن کی ڈیوڑا پھاٹک میں کھلی کچہری

ٹرانسفارمر پر اوور لوڈ،گلیوں میں لٹکتے بجلی کے تار اور کم وولٹیج جیسی شکایات موصول افسروں کوصارفین کے مسائل ترجیحی بنیادوں پرحل اور جائرکام فوری کرنے کی ہدایت
گوجرانوالہ(سٹی رپورٹر)گیپکو افسر صارفین کے مسائل ترجیحی بنیادوں پر حل کریں،شکایات لے کر دفاتر میں آنیوالے صارفین کو خوشی سے ویلکم کرتے ہوئے ان کے تمام جائز کام فوری طور پر حل کیے جائیں،ان خیالات کااظہار ایس ای سٹی گیپکو عزیز الرحمن نے سٹی ڈویژن ڈیوڑا پھاٹک میں کھلی کچہری سے خطاب کرتے ہوئے کیا، ایس ای سٹی عزیز الرحمن کو کھلی کچہری میں ٹرانسفارمر پر اوور لوڈ،گلیوں میں لٹکتے بجلی کے تاراورکم وولٹیج جیسی شکایات موصول ہوئیں جس پر انہوں نے متعلقہ گیپکو افسروں کو شکایات کے فوری ازالہ کیلئے موقع پر احکامات جاری کیے ، انہوں نے مزیدکہاکہ شہری بجلی کی مین لائنوں الیون کے وی اور ایچ ٹی لائنوں کے نیچے اپنے مکان ہرگز تعمیر نہ کریں اور جنہوں نے تعمیر کرلئے ہیں وہ حفاظتی تدابیر کے پیش نظر اپنے گھروں کی چھتوں پر نہ جائیں،خصوصی طور پر اپنے بچوں کو چھت پر نہ جانے دیں تاکہ کسی بھی ممکنہ حادثہ سے بچا جاسکے ۔