محسن رضاخاں رہائشی وکمرشل مارکیٹوں میں گئے ،متعددبجلی چوروں کوبھی پکڑا ایک ہفتہ میں 56بجلی چور پکڑے گئے ،26لاکھ سے زائدکے جرمانے کئے گئے
گوجرانوالہ (سٹی رپورٹر) گیپکو چیف ایگزیکٹو محسن رضا خاں نے نائٹ چیکنگ ٹیمو ں کی نگرانی کیلئے رات کو مختلف رہائشی علاقوں و کمرشل مارکیٹوں کا دورہ کیا،گزشتہ ایک ہفتہ کے دوران 56بجلی چور رنگے ہاتھوں پکڑے گئے اورانکو 26لاکھ روپے سے زائد کے جرمانے کرکے ایف آئی آرز کے اندراج کیلئے درخواستیں دے دی گئیں۔گزشتہ رات چیف ایگزیکٹو نے نائٹ چیکنگ ٹیمو ں کی براہ راست نگرانی کیلئے اندرون شہر کے مختلف رہائشی علاقوں و کمرشل مارکیٹوں کا دورہ کیا اور متعدد بجلی چوروں کو بجلی چوری کرتے ہوئے پکڑا ۔ چیف ایگزیکٹو گیپکو محسن ضا خاں نے کہا ہے کہ بجلی چوروں کے خلاف دن اور رات کے فرق کے بغیر کارروائیوں کا سلسلہ جاری رہے گا اور اس مقصد کیلئے سرکل اور ڈویژن کی سطح پر تشکیل دی گئی خصوصی چھاپہ مار ٹیمیں گیپکو سے آخری بجلی چور کے خاتمہ تک دیہی و شہری علاقوں میں رات کے وقت کارروائیاں کر کے بجلی چوروں کو پکڑتی رہیں گی۔
گیپکوچیف کانائٹ چیکنگ ٹیموں کی نگرانی کیلئے رات کودورہ
