ہیڈ بمبانوالہ کے قر یب ڈرائیور کو اونگھ آ نے سے حادثہ ، فاروق اور ساتھی لاپتہ حافظ آ باد میں عمران مسیح اور راہوالی کینٹ میں محمد سلیم حادثات میں لقمہ اجل
ٹریفک حادثات میں 2 افراد جاں بحق ہوگئے جبکہ ڈمپر پل کا جنگلہ توڑ کر نہر میں جا گرا ۔حافظ آباد کے نواحی گاؤں بھوبڑا کے قریب چک 47کا رہائشی عمران موٹر سائیکل پر مریم آباد میلہ پر جارہا تھا کہ مخالف سمت سے آنے والے موٹر سائیکل سوار عمیر ارشد سے ٹکراگیا ، حادثے میں دونوں ز خمی ہو گئے تاہم عمران مسیح ہسپتال میں دم توڑ گیا۔ تھانہ کینٹ راہوالی کے علاقہ بدوکی گوسائیاں کا رہائشی سلیم موٹر سائیکل پر جارہاتھا کہ چناب گیٹ کے قریب عقب سے آنیوالے ٹرک کی زد میں آگیا جسکے نتیجے میں وہ زخموں کی تاب نہ لاتے ہوئے موقع پر ہی چل بسا ۔ علاوہ ازیں ہیڈ بمبانوالہ کے قر یب ڈمپر پل کے جنگلہ توڑ کر نہر میں جاگرا،ڈرائیور اور اس کا ساتھی لاپتہ ہوگئے ۔ لودھراں کا رہائشی فاروق نامعلوم ساتھی کے ہمراہ جا رہا تھا کہ ایم آر لنک نہر موترہ پل کے قریب اونگھ آ نے سے ڈمپر جنگلے کو توڑ کر نہر میں جا گرا، دونوں لاپتہ ہوگئے ۔ریسکیو 1122 کی ٹیم نے جائے حادثہ پر پہنچ کے آپریشن شروع کر دیا ۔
ڈمپر نہر میں جا گرا ،2افراد لاپتہ ،حادثات ،2افراد جاں بحق
