لدھے والا وڑائچ سے تعلق رکھنے والے پی ٹی آئی رہنما، سابق ایم پی اے میاں مظہر جاوید انتقال کرگئے. میاں مظہر سابق ایم این اے میاں طارق کے بھائی ہیں. خاندانی ذرائع کے مطابق میاں مظہر گزشتہ کچھ عرصے سے گردوں کی بیماری میں مبتلا تھے. ان کی نماز جنازہ آج شام پانچ بجے آبائی علاقے لدھیوالا وڑائچ میں اداکی جائے گی جس میں اہم سیاسی، سماجی و حکومتی شخصیات کی شرکت متوقع ہے.
میاں مظہر جاوید مسلم لیگ نواز کے ٹکٹ پر ایم پی اے رہ چکے ہیں جبکہ گزشتہ انتخابات سے قبل انہوں نے اپنے بھائی کے ہمراہ عمران خان سے ملاقات کرکے پاکستان تحریک انصاف میں شمولیت اختیار کرکے پی پی 62 سے الیکشن میں حصہ لیا تاہم وہ کامیاب نہ ہوسکے. میاں مظہر گوجرانوالہ کی نامور سیاسی شخصیت تھے جنہیں سیاسی و عوامی حلقوں میں خاصی مقبولیت حاصل تھی.
گوجرانوالہ پی ٹی آئی رہنما، سابق ایم پی اے میاں مظہر جاوید انتقال کرگئے
