گوجرانوالہ: سی آئی اے پولیس کی کاروائی، بیٹی کے کہنے پر باپ پر فائرنگ کرنے والا نوجوان گرفتار

سی آئی اے پولیس نے کاروائی کرتے ہوئے صنعتکار کو دو مرتبہ فائرنگ کر کے زخمی کرنے والے ملزم کوگرفتار کرلیا گیا، ڈی ایس پی عمران عباس چدھڑ کا کہنا تھا کہ دوران تفتیش ملزم ضیغم گل نے ہوش ربا انکشافات کرتے ہوئے بتایا کہ وہ صنعتکار عنصر اقبال کی بیٹی کو پسند کر تا تھا اور ضیغم گل نے صنعتکار عنصر اقبال پر حملہ اسکی بیٹی کے کہنے پر کیا. عمران عباس کا مزید کہنا تھا کہ صنعتکار عنصر اقبال کی بیٹی نجی یونیورسٹی میں سافٹ وئیر انجیئرنگ کر رہی ہے. عنصر اقبال کی بیوی کی وفات کے بعد اس نے دوسری شادی کر لی تھی اور بیٹی اپنے والد کو قتل کروا کے اس کی جائیداد حاصل کرنا چاہتی تھی. ملزم کے دوسرے ساتھیوں کی گرفتاری کے لیے چھاپے مارے جارہے ہیں۔