آل پنجاب بیلٹ ریسلنگ گرلز چیمپئن شپ کا آغاز ہو گیا

گوجرانوالہ(نیوز رپورٹر)ڈسٹرکٹ سپورٹس ڈیپارٹمنٹ کے زیر اہتمام آل پنجاب بیلٹ ریسلنگ گرلز چیمپئن شپ کا آغاز ہو گیا ۔ افتتاحی تقریب میں اسسٹنٹ کمشنر صدر حناارشد اور ڈسٹرکٹ سپورٹس آفیسر عائشہ چیمہ نے شرکت کی ،ٹورنامنٹ میں پنجاب بھر کی نو ڈویژنوں کی ٹیموں کی100سے زائد کھلاڑیوں نے حصہ لیا ،ٹورنامنٹ کا فائنل آج شہباز شریف سپورٹس کمپلیکس میں ہوگا جس میں ڈی سی نائلہ باقر مہمان خصوصی ہو نگی ۔افتتاحی تقریب سے خطاب کرتے ہوئے اسسٹنٹ کمشنر صدر حنا ارشد کا کہنا تھا کہ سرکاری سطح پر لڑکیوں کیلئے کھیلوں کا انعقاد خوش آئند ہے ،ضلعی انتظامیہ کھیلوں کے فروغ کیلئے سپورٹس ڈیپارٹمنٹ اور کھلاڑیوں کی بھرپور سرپرستی کررہی ہے ۔ ڈسٹرکٹ سپورٹس آفیسر عائشہ چیمہ نے کہا کہ ٹورنامنٹ کرانے کا مقصد گرلز کھلاڑیوں کی حوصلہ افزائی کرنا ہے ،پنجاب حکومت کھیلوں کے فروغ اور اسکی بہتری کیلئے اقدامات کررہی ہے ۔