تحریک انصاف کوووٹ دینے والے منہ چھپاتے پھررہے ہیں :غلام دستگیر

مسلم لیگ ن کے سینئر رہنما وسابق وفاقی وزیر غلام دستگیر خان نے کہا ہے تحریک انصاف کو ووٹ دینے والے مایوس کن کارکردگی سے اپنے منہ چھپاتے پھر رہے ہیں
گوجرانوالہ (نیوز رپورٹر) مسلم لیگ ن کے سینئر رہنما وسابق وفاقی وزیر غلام دستگیر خان نے کہا ہے تحریک انصاف کو ووٹ دینے والے مایوس کن کارکردگی سے اپنے منہ چھپاتے پھر رہے ہیں ،تبدیلی سرکار نے اقتدار میں آکر عوام کو مہنگائی، بیروزگاری تلے کچل دیا ہے ،دھاندلی زدہ حکمرانوں سے تنگ عوام کی بڑی تعداد اپوزیشن جماعتوں کیساتھ ہے ۔ موجودہ حکومت چند ماہ میں ہی اپنی عوامی حمایت کھوچکی ہے ، عمران خان کے استعفیٰ تک ملکی معاشی حالات ٹھیک نہیں ہوسکتے ا،پوزیشن جماعتوں کی احتجاجی تحریک سے قبل ہی سلیکٹڈ حکمرانوں کی ٹانگیں کانپنا شروع ہوگئی ہیں ۔