سی ٹی اوکی قیادت میں ٹریفک قوانین،ہیلمٹ آگاہی کیلئے ریلی

ہیلمٹ،پمفلٹ تقسیم ،شہری زندگی کی حفاظت کیلئے ہیلمٹ کااستعمال یقینی بنائیں :سی ٹی او
گوجرانوالہ (کرا ئم رپورٹر)سی ٹی او محمد آصف صدیق کی قیادت میں ٹریفک قوانین اور ہیلمٹ سے آگاہی کیلئے ریلی نکالی گئی ،ریلی کا آغاز سوزوکی سنٹر جی ٹی روڈ سے ہوا جو شہر کا چکر لگانے کے بعد اسی جگہ پر اختتام پذیر ہوئی، ریلی میں ٹریفک پولیس افسروں ، اہلکاروں، بائیکرز ایسوسی ایشن کے ممبران اور سول سوسائٹی نے شرکت کی جبکہ ٹریفک آگاہی کیمپ میں آنیوالے شہریوں میں سی ٹی او نے ہیلمٹ اور پمفلٹ بھی تقسیم کئے ، اس موقع پر سی ٹی او محمد آصف صدیق کا کہنا تھا کہ ٹریفک پولیس روڈ سیفٹی کو مد نظر رکھتے ہوئے شہریوں کی حفاظت کیلئے متعدد اقدامات کر رہی ہے ، موٹر سائیکل ریلی نکالنے کا مقصد شہریوں کو ٹریفک قوانین بارے زیادہ سے زیادہ آگاہی دیناہے ۔انہوں نے شہریوں سے اپیل کی کہ اپنی زندگی کی حفاظت کیلئے ہیلمٹ کااستعمال یقینی بنائیں۔