ہیپی نیو ایئر منانے کی تیاریاں، بڑے پیمانے پر منشیات اور شراب سٹاک کرلی گئی

گوجرانوالہ(کرائم رپورٹر) گوجرانوالہ میں لہیپی نیو ایئر منانے کی تیاریاں عروج پر پہنچ گئیں، منشیات فروشوں نے بڑی مقدار میں شراب ،چرس اورافیون سٹاک کر لی ہے جبکہ ڈیروں اور دیہاتوں میں شراب کشید کا دھندہ عروج پر ہے ۔ مختلف اقسام کے پکوان بھی تیار ہوں گے ، پولیس نے بھی جعلی شراب تیار کرنے والوں کے خلاف شکنجہ تیار کر لیا ہے ۔ منشیات فروشوں نے لاہور،اسلام آباد اور راولپنڈی سے مختلف برانڈ کی ولائتی شراب منگوا کر سٹاک کی ہے ۔ دوسری طرف پولیس حکام کا کہنا تھا کہ کرسمس اور ہیپی نیو ائیر پر منشیات کا استعمال ،آتش بازی اور ساؤنڈ سسٹم کا استعمال کرنے والوں کے خلاف کارروائی کیلئے ٹیمیں تشکیل دیدی گئی ہیں ۔