قائداعظم محمد علی جناحؒ کا یوم ولادت، شہر شہر ریلیاں، ڈیرہ بگٹی میں ایف سی کالج سوئی میں یوم قاٸداعظم کی مناسبت سے تقریب کا انعقاد کیا گیا، جس میں طلبا نے ٹیبلوز پیش کئے اور تقاریر کر کے بانی پاکستان کو سلام پیش کیا۔
کندھ کوٹ میں قائداعظم کے یوم پیدائش پر ریلی نکالی گئی جس میں شہریوں کی بڑی تعداد شریک ہوئی، شہریوں نے پاکستان زندہ باد کے نعرے لگائے۔
نواب شاہ میں رینجرز اور سول سوسائٹی کی جانب سے ریلی کا انعقاد کیا گیا، لاڑکانہ میں بھی نکالی جانیوالی ریلی میں رینجرز کے اہلکاروں اور لوگوں کی بڑی تعداد نے شریک کی۔
بورےوالا میں بھی بانی پاکستان کے یوم ولادت پر تقریب کا انعقاد کیا گیا۔ اس موقع پر کیک کاٹا گیا جس میں شہریوں نے بھرپور انداز میں شرکت کی۔
شجاع آباد میں بھی تقریب کے دوران کیک کاٹا گیا، منڈی بہاالدین میں اسکول کے بچوں نے ٹیبلوز پیش کر کے قائداعظم محمد علی جناح کو سلام پیش کیا۔ قائداعظم محمد علی جناح کی ولادت کے سلسلے اور کرسمس ڈے کے حوالے میونسپل کمیٹی میں تقریب کا انعقاد کیا گیا۔
