پیر مٹھا قبرستان روڈ شیش محل جوہڑ کا منظر پیش کرنے لگا، تفصیلات جان لیں

جنازہ لیکر گزرنا بھی محال،سڑک سے کیچڑ ختم ،نالوں کی صفائی کی جائے :شہری
وزیرآباد(نامہ نگار)پیر مٹھا قبرستان روڈ شیش محل جوہڑ کا منظر پیش کرنے لگا ،جنازہ لے کر گزرنا بھی محال ہوگیا۔پیر مٹھا قبرستان روڈ شیش محل پرگندے پانی کی وجہ سے کیچڑ ودلدل بن گیا ۔علاقہ مکینوں نے بتایا کہ کئی بار ارباب اختیار کو پیر مٹھا قبرستان روڈ کے متعلق بتانے کے باوجود مسئلہ حل نہ ہو سکا ، نالیوں کی صفائی نہ ہونے سے گندا پانی کھڑا ہو نے سے سڑک جوہڑ بن چکی ہے ، گاڑیاں بھی کیچڑ میں پھنس کر بند ہوجاتی ہیں۔ انہوں نے مطالبہ کیا کہ فوری طور پر پیر مٹھا روڈ کو کیچڑ سے پاک کیا جائے اور نالوں کی صفائی کرائی جائے ۔