گوجرانوالہ میں گرج چمک کے ساتھ بارش، آسمانی بجلی گرنے سے ایک مزدور زخمی، تفصیلات جان لیں

گوجرانوالہ میں گزشتہ رات سے وقفے وقفے سے گرج چمک کے ساتھ بارش کا سلسلہ جاری ہے جس کے باعث سردی میں اضافہ ہوگیا ہے۔
یونیورسٹی ٹاؤن میں زیر تعمیر گھر میں مزدور کام کرنے میں مصروف تھے کہ گھر پر اچانک آسمانی بجلی گرگئی۔ جس کی زد میں آکر 24 سالہ مزدور زخمی ہوگیا۔ اطلاع ملنے پر ریسکیو 1122 کا عملہ موقع پر پہنچ گئی اور مزدور کو طبی امداد فراہم کردی ہے۔ ریسکیو کے مطابق ابوبکر کی ٹانگ پر زخم آئے ہیں تاہم اس کی حالت خطرے سے باہر ہے۔ ریسکیو اہلکاروں کا کہنا ہے کہ گرج چمک اور بارش کے دوران شہری احتیاط برتیں۔