گوجرانوالہ۔ماڈل ٹاؤن میں تین روز قبل الیکٹرانکس کی دوکان پر ہونے والی چوری کی سی سی ٹی وی فوٹیج موصول

گوجرانوالہ: چور الیکٹرانکس شاپ کے تالے توڑ کر لاکھوں روپے نقدی لوٹ کر فرار، واقعہ کی سی سی ٹی وی فوٹیج میڈیا نے حاصل کر لی ، فوٹیج میں چور کو تالے توڑتے اور چوری کرتے صاف دیکھا جا سکتا ہے
تھانہ ماڈل ٹاون کے علاقہ دیوڑہ پھاٹک پرتین روز قبل ہونے والی چوری کی واردا ت کی سی سی ٹی وی فوٹیج میڈیا کو موصول ہو گئی فوٹیج میں چورکو الیکٹرانکس شاپ کے تالے توڑ کر اندر داخل ہوتے اورچوری کرتے صاف دیکھا جا سکتا ہے جبکہ چور کا دوسرا ساتھی دوکان کے باہر کھڑا رہتا ہے چور الیکٹرونکس شاپ میں موجود لاکھوں روپے نقدی لے کر فرارہو گیا واقعہ کی سی سی ٹی وی فوٹیج کے باوجود پولیس نے تاحال مقدمہ درج نہیں کیا چور نے واردات کے دوران سفید رنگ کی کورونا وائرس پروٹیکشن کٹ پہن رکھی تھی کہ کسی کو شک نہ ہو ۔