پاکستان سوپر لیگ کے چھٹے ایڈیشن کیلئے ٹکٹوں کی آن لائن فروخت شروع ہوگئی اور شائقین ای ٹکٹنگ کی ویب سائیڈ پر تیزی سے ٹکٹوں کی بکنگ کرارہے ہیں۔
پی سی بی کی درخواست پر این سی او سی نے اسٹیڈیم میں 20فیصد شائقین کے بیٹھنے کی اجازت دی ہے۔
نیشنل اسٹیدیم میں 34ہزار افراد کے بیٹھنے کی گنجائش ہے لیکن کورونا کی وجہ سے صرف ساڑھے سات ہزار افراد کو اجازت دی گئی ہے۔
ایونٹ کے ٹکٹوں کی قیمت 500 سے 5000روپے تک رکھی گئی ہے جب کہ نیشنل اسٹیدیم کراچی کے انکلوژر کو کو چار حصوں میں تقسیم کیا گیا ہے۔
جاوید میانداد، حنیف محمد (وی آئی پی انکلوژر)، ظہیر عباس، آصف اقبال، وقار حسن، ماجد خان، اقبال قاسم اور نسیم الغنی (فرسٹ کلاس انکلوژرز)، وسیم اکرم، عمران خان اور قائد انکلوژر کو (پریمیئم انکلوژر) جب کہ وسیم باری، محمد برادرز اور انتخاب عالم انکلوژر کو جنرل کا درجہ دیا گیا ہے۔
پہلا میچ کراچی کنگز اور کوئٹہ گلیڈئیٹر کے درمیان ہوگا۔
اسی روز ریکارڈِڈ افتتاحی تقریب بھی دکھائی جائے گی، اس وجہ سے پہلے روز سب سے کم قیمت والا ٹکٹ 500کے بجائے ایک ہزار روپے کا ہوگا جب کہ جس روز دو میچ ایک ساتھ ہیں اس روز بھی جنرل انکلوژر کے ٹکٹ کی قیمت ایک ہزار روپے ہے۔
ابتدائی مرحلے میں صرف کراچی کے 20 ٹکٹوں کی فروخت شروع ہوئی ہے۔ دوسرے مرحلے میں لاہور میں ہونے والے 14 میچز کے ٹکٹوں کی فروخت ہوگی۔
