پاکستان کی معروف ٹک ٹاک اسٹار جنت مرزا دن بدن ترقی کی منازل طے کرتی آگے بڑھ رہی ہیں۔ ہر روز ان کی شہرت میں اضافہ ہو رہا ہے۔
جنت مرزا کا شمار پاکستان کی ان ٹک ٹاک اسٹارز میں ہوتا ہے جنہیں لوگ سب سے زیادہ فالو کرتے ہیں۔ تاہم آپ کو یہ جان کر بے حد حیرانی ہو گی کہ جنت مرزا نے جہاں دیگر ٹک ٹاک اسٹارز اور مشہور اداکاروں کو پیچھے چھوڑا وہیں ملک کے وزیراعظم عمران خان کو بھی پیچھے چھوڑ دیا۔
جنت مرزا کے ٹک ٹاک اکاؤنٹ کا فالوورز کی تعداد 13.4 ہوگئی ہے جبکہ عمران خان کے ٹوئٹر اکاؤنٹ پر فالوورز کی تعداد 13.3 ہے۔ اگرچہ دونوں میں کانٹے کا مقابلہ چل رہا ہے جبکہ کچھ صارفین کا کہنا ہے کہ اس معاملے میں دونوں کا کوئی مقابلہ نہیں۔
ٹک ٹاک اور ٹوئٹر دونوں ہی سماجی رابطے کی ویب سائٹس ہیں لیکن ٹک ٹاک پر فالوورز آسانی سے بڑھ جاتے ہیں اور پاکستان کا ہر دوسرا بندا ٹک ٹاک استعمال کر رہا ہوتا ہے جبکہ ٹوئٹر انتہائی کم لوگ استعمال کرتے ہیں۔
