وزیراعظم عمران خان نے نیا پاکستان ہاؤسنگ اسکیم کے لیے قرضوں کی حد میں 100 فیصد اضافہ کر دیا۔
سینیٹر فیصل جاوید نے سوشل میڈیا پر اپنے بیان میں بتایا کہ وزیراعظم عمران خان نے گھروں کی تعمیر کے لیے قرض کی حد 50 لاکھ سے بڑھا کر ایک کروڑ روپے کر دی ہے، 5 اور 10 مرلے کے گھر، فلیٹس یا پلاٹ پر گھر کی تعمیر کے لیے قرض کی شرح بڑھائی گئی۔
وزیراعظم عمران خان کی ہدایت پر نیا پاکستان ہاؤسنگ اسکیم: قرضوں کی حد میں%100 اضافہ-رعایتی مارک اپ ریٹ کم کرکے %3 اور %5 کر دیا گیا ہے – 5 اور 10 مرلہ کے گھر٫ فلیٹس، پلاٹ یا پہلے سے اپنے پلاٹ پر گھر کی تعمیر کے لیے آسان قسطوں پر قرضے- قرضوں کی حد بڑھا کر 1 کروڑ کر دی گئی ہے
— Faisal Javed Khan (@FaisalJavedKhan) March 26, 2021
انہوں نے اپنی ٹوئٹ میں مزید بتایا کہ اس پروگرام کی نگرانی وزیراعظم عمران خان خود کر رہے ہیں، خوابوں کی تعبیر شروع گھروں کی تقسیم شروع، اب کرایا نہیں، نہایت کم قسط دے کر آپ گھر کے مالک بن سکتے ہیں۔
فیصل جاوید کا کہنا تھا کہ یہ ایک انقلابی اقدام ہے، اب ہو گا آپ کا اپنا گھر، قرضوں کے حصول اور معلومات کے لیے بینکوں سے رابطہ کریں۔
اس پروگرام کی نگرانی وزیراعظم عمران خان خود کر رہے ہیں – خوابوں کی تعبیر شروع گھروں کی تقسیم شروع – اب کرایا نہیں – نہایت کم قسط دے کر آپ گھر کے مالک بن سکتے ہیں – یہ ایک انقلابی اقدام ہے – اب ہوگا آپکا اپنا گھر – قرضوں کے حصول اور معلومات کے لیے بینکوں سے رابطہ کریں
— Faisal Javed Khan (@FaisalJavedKhan) March 26, 2021
