لاہور سے کالعدم ٹی ٹی پی کے دو انتہائی مطلوب دہشتگرد گرفتار

لاہور سے کالعدم ٹی ٹی پی کے دو انتہائی مطلوب دہشتگرد گرفتار
Play Video
سی ٹی ڈی نے لاہور سے کالعدم تنظیم سے تعلق رکھنے والے دو دہشت گردوں کو گرفتار کر لیا، ایک کے سر کی قیمت 25 لاکھ روپے مقررتھی۔

ترجمان سی ٹی ڈی کے مطابق دونوں دہشت گردوں محب اللہ اور حنیف طیب کو خفیہ اطلاع پر گلشن راوی بند روڈ سے گرفتار کیا گیا۔

ترجمان کے مطابق دہشت گرد محب اللہ کے سر کی قیمت 25 لاکھ مقرر تھی اور وہ ریڈ بُک میں شامل تھا۔

سی ٹی ڈی ترجمان کے مطابق دہشت گرد شہر میں مذہبی مقامات کو نشانہ بنانے کی منصوبہ بندی کر رہے تھے، ان سے بارودی مواد، دستی بم اور اسلحہ بھی برآمد کر لیا گیا۔