پاکستان کرکٹ ٹیم کے بولنگ کوچ وقار یونس دورہ زمبابوے پر قومی ٹیم کو دستیاب نہیں ہوں گے ، وہ اپنی اہلیہ کی سرجری کی وجہ سے آسٹریلیا جا رہے ہیں۔
قومی ٹیم کے میڈیا مینیجرکے مطابق بولنگ کوچ وقاریونس زمبابوے سے آسٹریلیا جارہے ہیں ، وقار کو اہلیہ کی سرجری کے باعث فوری طور جانا پڑ رہا ہے ۔
آسٹریلیا داخلے کے لیے انہیں لازمی 14 روزہ قرنطینہ کرنا ہے، وقار کی اہلیہ کی سرجری رمضان کے بعد ہوگی ۔
وقار یونس آسٹریلیا سے پاکستان آکر دوبارہ قومی ٹیم کی ذمہ داریاں سنبھالیں گے ۔
وقار یونس دورہ نیوزی لینڈ کے دوران بھی ایک ٹیسٹ کے بعد فیملی کے ساتھ وقت گزارنے کے لیے پاکستان واپس آ گئے تھے ۔
