راولپنڈی ایکسپریس شعیب اختر نے پاکستان کے معروف اداکار، پروڈیوسر اور میزبان فہد مصطفیٰ کو سرِعام چیلنج کردیا۔
فہد مصطفیٰ کی جانب سے ٹوئٹر پر ایک ویڈیو جاری کی گئی ہے جس میں وہ نیٹ پریکٹس کررہے ہیں، ان کی کرکٹ کھیلنے کی شاندار صلاحیت دیکھتے ہوئے ناصرف صارفین بلکہ قومی کرکٹ ٹیم کے سابق فاسٹ باولر شعیب اختر سمیت دیگر کرکٹرز بھی خوب متاثر ہوئے۔
ویڈیو پر شعیب اختر نے اپنا تبصرہ پیش کرتے ہوئے کہا کہ فہد آپ نے غلط پیشہ اختیار کرلیا ہے، آئیں اور پاکستان کیلئے کھیلیں لیکن پہلے نیٹ میں میرا سامنا کرلیں۔
شعیب اختر نے چیلنج کرتے ہوئے پوچھا کیا آپ اس کیلئے تیار ہیں؟
Bhi Wah wah @fahadmustafa26 bhai sath aajaye ap be Abudahbi 👍👍 https://t.co/xNapDtKDsW
— Sarfaraz Ahmed (@SarfarazA_54) May 23, 2021
اسی ویڈیو پر ٹیم کے سابق کپتان سرفراز احمد نے بھی اپنا رد عمل ظاہر کیا ،انہوں نے فہد کو داد دیتے ہوئے کہا بھئی واہ! بھائی آپ بھی ابو ظبی ساتھ آجائیں۔
خیال رہے ابوظبی کرکٹ بورڈ کی جانب سے پی ایس ایل کے چھٹے ایڈیشن کے بقیہ میچز کی میزبانی کا باضابطہ اعلان کردیا گیا ہے۔
