پاکستان میں کورونا کیسز میں بتدریج کمی واقع ہورہی ہے اور گزشتہ 24 گھنٹوں کے دوران کورونا کے مثبت کیسز کی شرح 4.8 فیصد رہی۔
پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 51625 ٹیسٹ کیے گئے جن میں سے 2482 افراد میں کورونا وائرس کی تصدیق ہوئی جب کہ وائرس سے 67 ہلاکتیں ہوئیں۔
سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 4.8 فیصد رہی۔
ملک میں کورونا سے اب تک مجموعی طور پر 20607 افراد انتقال کرچکے ہیں اور کل کیسز کی تعداد 9 لاکھ 13 ہزار 784 ہوچکی ہے جب کہ اب تک وائرس سے 8 لاکھ 34 ہزار 566 افراد صحتیاب بھی ہوئے ہیں۔
Statistics 28 May 21:
Total Tests in Last 24 Hours: 51,625
Positive Cases: 2482
Positivity % : 4.80%
Deaths : 67— NFRCC (@NFRCCofficial) May 28, 2021
اس کے علاوہ ملک بھر میں اب تک مجموعی طور پر 15 لاکھ 13 ہزار سے زائد افراد کو کورونا وائرس کی ویکسین لگائی جاچکی ہے۔
کورونا کی تازہ ترین صورتحال جاننے کے لئے لنک پر کلک کریں
