اونٹاریو: کینیڈا کے وزیراعظم جسٹن ٹروڈو نے کہا ہے کہ اسلاموفوبیا اور نسلی تعصب ایک حقیقت ہے۔
اونٹاریو میں پاکستانی خاندان کی یاد میں ہونے والے اجتماع سے خطاب کرتے ہوئے وزیراعظم جسٹن ٹروڈو نے کہا کہ خطرات کا شکار کمیونٹیز کا تحفظ کیا جائےگا اور منافرت کا مقابلہ کریں گے، دائیں بازو کے انتہا پسندگروہوں کو دہشتگردوں کی فہرست میں ڈالاجائےگا، ہم مل کرایکشن لیں گے اور اکٹھے آگے بڑھنے کا راستہ نکالیں گے۔
انہوں نے کہا کہ تین نسلوں کے قتل کے غم کوکم کرنے کے لیے الفاظ نہیں، ہمارے ایسے الفاظ نہیں کہ تکلیف اورکمیونٹی کے غم وغصےکوکم کرسکیں، اس معصوم بچےکے مستقبل کے حوالے سے الفاظ نہیں ہیں، اس واقعے نے معصوم بچےکے مستقبل کو چھینا۔
جسٹن ٹروڈو کا کہنا تھا کہ اسلامو فوبیا ایک حقیقت ہے اور نسلی بھی تعصب ایک حقیقت ہے لیکن آپ اکیلے نہیں ، تمام کینيڈینز آپ کے ساتھ کھڑے ہیں، مسلم کمیونٹی نے اس شہرکو مضبوط کیا، ہم آپ کے ساتھ ہیں، ہمارے درمیان یہ معاہدہ تھاکہ بطورکینيڈین ہم سب ایک دوسرےکا خیال رکھیں گے، مسلم کینیڈینز کے لیے یہ معاہدہ کئی بار توڑا گیا۔
To those who knew the Afzaal family, to the son who survived, to Muslims in London and in communities across Canada, to everyone who feels sad or angry or afraid: You are not alone. Canadians across the country are mourning with you and standing with you – tonight, and always. pic.twitter.com/MqMj1kKeTC
— Justin Trudeau (@JustinTrudeau) June 9, 2021
