گوجرانوالا پولیس نے بینظیر انکم سپورٹ پروگرام (بی آئی ایس پی) کا جھانسہ دیکر شہریوں کو لوٹنے والا 5 رکنی گروہ گرفتار کر لیا۔
سٹی پولیس آفیسر (سی پی او) سرفراز فلکی کے مطابق 5 رکنی گروہ کو تھانہ جناح روڈ کے علاقے سے گرفتار کیا گیا۔
انہوں نے بتایا کہ گرفتار ملزمان میں ایک خاتون بھی شامل ہے جو ٹیلی فون پر بینظیر انکم سپورٹ پروگرام میں رجسٹریشن کے بہانے شہریوں سے معلومات لیتی اور پھر اسی معلومات کی مدد سے ملزمان بینک اکاؤنٹ سے رقم ٹرانسفر کر لیتے تھے۔
ان کا کہنا ہے کہ ملزمان سے لیپ ٹاپ، ٹیلی فون ایکسچینج اور دیگر سامان برآمد ہوا ہے۔
پولیس کے مطابق ملزمان کے خلاف مقدمہ درج کر کے مزید تحقیقات کی جارہی ہیں۔
