پنجاب کے شہر گجرات میں پیزا شاپ میں ہونے والے دھماکے کے نتیجے میں 2 افراد جاں بحق اور 2 زخمی ہو گئے۔
پولیس کے مطابق دھماکا مسلم آباد میں واقع پیزا شاپ میں ہوا جس میں2 افراد زخمی بھی ہوئے۔
ریسکیو ذرائع کے مطابق عمارت گرنے سے جاں بحق افراد میں ایک شخص اور 3 سالہ بچی شامل ہے جبکہ واقعے میں ایک راہ گیرخاتون اور مرد زخمی بھی ہوا جنہیں اسپتال منتقل کر دیا گیا ہے۔
ریسکیو ذرائع کا کہنا ہے کہ پیزا شاپ میں دھماکا گیس لیکیج کے باعث ہوا، دھماکے سے پیزا شاپ اور اس پر واقع 2 منزلہ خالی عمارت زمین بوس ہوگئی۔
دوسری جانب دھماکے کی وجوہات کا تعین کرنے کے لیے پولیس اور بم ڈسپوزل اسکواڈ کا عملہ بھی جائے وقوعہ پر پہنچ گیا ہے۔
