سراج الحق کا آج یوتھ کنونشن میں آمد پر فقید المثال استقبال ہو گا

گوجرانوالہ ضلعی صدر جماعت اسلامی یوتھ بشارت علی صدیقی نے کہا کہ امیر جماعت اسلامی سراج الحق کا آج یوتھ کنونشن میں آمد پر فقید المثال استقبال ہو گا اور یہ یوتھ کنونشن نئی تاریخ رقم کرے گا ،ان خیالات کا اظہار انہوں نے دفتر جماعت اسلامی میں پریس کانفرنس سے خطاب کرتے ہوئے کیا ،بشارت علی صدیقی نے مزید کہا مہنگائی بیروزگاری پٹرولیم کی قیمتیں آسمان سے باتیں کر رہی ہیں ،اب وقت آگیا ہے کہ اس نااہل حکومت سے جان چھڑائی جائے ۔جماعت اسلامی یوتھ 31 اکتوبر کو اسلام آباد ڈی چوک میں حکومت کے خلاف احتجاج کرے گی،علاوہ ازیں سر اج الحق مرکزی جامع مسجد شیرانوالہ باغ میں مولانا زاہد الراشدی کی دعو ت پر جمعتہ المبارک کے اجتما ع سے خطا ب کرینگے ۔ راہوالی سے نامہ نگارکے مطابق سراج الحق آج سہ پہر 4بجے راہوالی پہنچیں گے رفاحی ادارے آغوش الخدمت کا افتتاح کریںگے ۔