فیس بک اور واٹس ایپ کے علاوہ مزید ایپلیکیشنز بھی ڈاؤن ہوئیں!

جہاں دنیا بھر میں واٹس ایپ ، فیس بک اور انسٹاگرام کی سروسز متاثر ہیں وہیں کئی دیگر ایپلیکیشنز کی سروسز بھی دنیا بھر میں مبینہ طور پر متاثر تھیں۔

اسرائیلی صحافی امچائی اسٹین نے ٹوئٹ کرتے ہوئے ایک فہرست جاری کی جس میں انہوں نے کئی ایپلیکیشنز کو واضح کیا جنہیں مبینہ طور پر اس وقت بندش کا سامنا تھا۔

پوسٹ کے مطابق ٹک ٹاک ، اسنیپ چیٹ، ٹیلی گرام سمیت گوگل، ایپل، کرکٹ وائرلیس، ایمازون، اسپیکٹرم، ویریزون ، ٹی موبائل کی سروسز مبینہ طور پر متاثر تھیں۔

List of website users worldwide are reporting outages

> Facebook & FB Messenger
> Instagram
> Twitter
> WhatsApp
> T-Mobile / TMBLE Metro
> Spectrum
> Verizon
> AT&T
> Google
> Cricket Wireless
> Amazon
> Telegram
> Apple
> TikTok
> Snapchat
> Several more

— Amichai Stein (@AmichaiStein1) October 4, 2021

واضح رہے کہ پاکستان اور بھارت سمیت دنیا بھر میں واٹس ایپ، فیس بک اور انسٹاگرام کی سروسز متاثر ہیں جس وجہ سے لاکھوں صارفین کو مشکلات کا سامنا کرنا پڑا۔

دنیا بھر میں مذکورہ سوشل میڈیا ایپلیکیشن کی سروس پاکستانی وقت کے مطابق تقریباً رات ساڑھے آٹھ بجے متاثر ہوئیں اور محض ٹوئٹر سماجی رابطوں کی بڑی ویب سائٹ تھی جو بحال رہی لہٰذا صارفین ٹوئٹر پر ہی اپنی مایوسی کا اظہار کرتے رہے۔