پاکستان سمیت دنیا بھر میں واٹس ایپ، فیس بک اور انسٹاگرام کی سروسز متاثر ہوگئی ہیں جس کے باعث سوشل میڈیا صارفین کی تمام تر توجہ ٹوئٹر پر مرکوز ہوگئی ہے۔
ٹوئٹر صارفین کی جانب سے جہاں واٹس ایپ، فیس بک اور انسٹاگرام کی بندش پر دل کی بھڑاس نکالی جارہی ہے وہیں مختلف قسم کی مزاحیہ اور طنزیہ میمز پوسٹ کی جارہی ہیں۔
ٹوئٹر کے آفیشل اکاؤنٹ سے متاثرہ ایپس پر طنز کیا گیا ہے وہیں ٹوئٹرکے شریک بانی اور چیف ایگزیکٹو آفیسر(سی ای او) جیک ڈورسی بھی اس موقع پر پیچھے نہیں رہے۔
how much? https://t.co/fH0zXw7rV9
— jack (@jack) October 4, 2021
جیک ڈورسی نے ایک میم ری ٹوئٹ کی ہے جس میں فیس بک کی فروخت کا اشتہار دکھایا گیا ہے، اس میمز میں کہا گیا ہےکہ فیس بک ڈاٹ کام فروخت کے لیے دستیاب ہے، اس پر جیک ڈورسی نے لکھا ہے کہ قیمت کتنی ہے ؟
ایک صارف نے جواباً تصویر پوسٹ کی ہے جس میں واٹس ایپ ، فیس بک اور انسٹاگرام کی ایک قبر دکھائی گئی ہے جب کہ ٹوئٹر کو وہاں وکٹری کے نشان کے ساتھ دکھایا گیا ہے۔
how much? https://t.co/fH0zXw7rV9
— jack (@jack) October 4, 2021
ایک صارف نے تصویرپوسٹ کی ہے جس میں ایک شخص تاروں کے گچھے میں الجھا ہوا ہے، صارف نے لکھا ہے کہ مارک زکر برگ خرابی دورکرنے کی کوشش کررہے ہیں۔
ایک صارف نے مسٹر بین کی ویڈیو پوسٹ کی ہے جس میں مسٹر بین کو اسپتال میں ڈاکٹر کو دکھانے کے لیے اپنی باری کا انتظار کرتے دکھایا گیا ہے، ویڈیو میں مسٹر بین شرارتیں کر رہے ہیں اور انہیں ٹوئٹر بنایا گیا ہے جب کہ ساتھ ہی شدید زخمی حالت میں ایک خاتون موجود ہیں جنہیں متاثرہ ایپس سے تشبیہہ دی گئی ہے۔
https://twitter.com/Zeeshan712001/status/1445096429073088513?s=08
ایک پوسٹ میں بتایا گیا ہےکہ فیس بک، انسٹاگرام اور واٹس ایپ کی بندش سے متاثرہ صارفین ٹرین میں دوسری ایپس ٹوئٹر اور سگنل ڈاؤن لوڈ کروانے جارہے ہیں۔
