پاکستان کے سابق اسٹار آل راؤنڈر شاہد آفریدی نے اپنی بیٹیوں کے حوالے مداحوں سے اپیل کی ہے۔
شاہد آفریدی کی جانب سے حال ہی میں ایک ٹوئٹ کی گئی جس میں ان کا کہنا تھا کہ میں واضح کردینا چاہتا ہوں کہ میری بیٹیوں میں سے کسی کا بھی سوشل میڈیا اکاؤنٹ نہیں ہے۔
https://twitter.com/SAfridiOfficial/status/1455999162160459779
شاہد آفریدی نے مداحوں سے اپیل کرتے ہوئے لکھا برائے مہربانی میری بیٹیوں سے منسلک کسی بھی اکاؤنٹس یا خبر کو نظر انداز کریں۔
سابق کرکٹر نے اپنی ٹوئٹ میں ایک جعلی اکاؤنٹ کو بھی ری ٹوئٹ کرتے ہوئے مداحوں کو خبردار کیا۔
شاہد آفریدی ٹی ٹوئنٹی ورلڈکپ میں قومی ٹیم کا حوصلہ بڑھانے کے لیے متحدہ عرب امارات میں اپنی بیٹیوں کے ساتھ موجود ہیں اور پاکستان کے افغانستان کے خلاف میچ میں انہیں اسٹیڈیم میں بھی دیکھا گیا تھا۔
