موسم کی خرابی کے باعث کراچی سے سکھر جانے والی پرواز پی کے 536 منسوخ کر دی گئی۔
وزیرتوانائی سندھ امتیازشیخ نے جیونیوز سے گفتگو میں کہا ہے کہ خراب موسم کے باعث سکھر جانے والی پرواز منسوخ ہوگئی ہے جس کی جہ سے وہ اور دیگررہنما بذریعہ سڑک لاڑکانہ روانہ ہو رہے ہیں۔
واضح رہے کہ سابق وزیراعظم راجا پرویز اشرف سمیت پیپلز پارٹی کے سینیئر رہنما بے نظیر بھٹو کی برسی کی تقریب میں شرکت کے لیے سکھر جا رہے تھے۔
خیال رہے کہ مسلم دنیا کی پہلی خاتون وزیر اعظم محترمہ بےنظیر بھٹو کی آج چودھویں برسی کے موقع پرگڑھی خدا بخش میں انتظامات مکمل کرلیے گئے ہیں۔
پیپلز پارٹی کے رہنماؤں اور کارکنوں کی گڑھی خدا بخش اور نوڈیرو آمد کا سلسلہ جاری ہے جبکہ مرکزی جلسے سے چیئرمین پیپلز پارٹی بلاول بھٹو زرداری اور دیگر رہنما خطاب کریں گے۔
