انگلش کرکٹ ٹیم کے ہیڈ کوچ سلورووڈ کے فیملی ممبر کا کورونا ٹیسٹ مثبت آگیا جس کے باعث وہ ایشز کے چوتھے ٹیسٹ میچ میں فرائض انجام نہیں دے سکیں گے۔
انگلش کرکٹ بورڈ کے مطابق ہیڈ کوچ سلور ووڈ کے ایک فیملی ممبر کا کورونا ٹیسٹ مثبت آگیا ہے جس کے بعد انہوں نے اپنے اہل خانہ سمیت 10 دن کیلئے تنہائی اختیار کرلی ہے ۔
Our Men’s Head Coach Chris Silverwood will have to isolate for 10 days, along with his family, in Melbourne and will miss the fourth Ashes Test.#Ashes | #AUSvENG
— England Cricket (@englandcricket) December 29, 2021
انگلش کرکٹ بورڈ کا کہنا ہے کہ آج کھلاڑیوں کے دوبارہ کورونا ٹیسٹ کیے جائیں گے۔
واضح رہے کہ ایشز کیلئے آسٹریلیا میں موجود انگلینڈ کرکٹ ٹیم کے کیمپ میں اب تک 7 کورونا کے کیسز سامنے آچکے ہیں جن میں 3 سپورٹ اسٹاف جبکہ 4 فیملی ممبران شامل ہیں۔
خیال رہے کہ انگلینڈ اور آسٹریلیاکے درمیان 5میچز پر مشتمل سیریز کا چوتھا ٹیسٹ میچ 5 جنوری سے سڈنی میں شروع ہوگا جبکہ آسٹریلیا کو سیریز میں 0-3 کی ناقابل شکست برتری حاصل ہے۔
