ایف آئی اے سائبر کرائم ونگ نے جنسی جرائم میں ملوث افراد کی لسٹیں تیار کرنے کا فیصلہ کیا ہے۔
اینٹی ریپ ایکٹ نافذ ہونے کے بعد ڈائریکٹرآپریشنز سائبرکرائم بابر بخت قریشی نے ملک بھر میں سائبر کرائم آفیسر ز کو سیکس اوفینڈرزکی لسٹیں تیار کرنے کی ہدایت کی ہے۔
ڈائریکٹر آپریشنز نے کہا کہ ریپ کے عادی، چائلڈ پورنوگرافی اورخواتین کی نازیبا ویڈیوز بنانے والے ملزمان کا ریکارڈ اکٹھا کیا جائے گا، ڈیٹاکی مدد سے ملزمان کو عدالتوں سے سزائیں دلوانے میں مدد ملےگی۔
انہوں نے کہا کہ عادی ریپسٹ کے علاوہ بلیک میلنگ میں ملوث خواتین کا ریکارڈ بھی مرتب کیاجائےگا، اینٹی ریپ ایکٹ کے تحت ڈیٹا چندروزمیں اکٹھا کرلیا جائےگا۔
ایف آئی اے کی جانب سے پولیس سے بھی ریپ کیسز میں ملوث ملزمان کی لسٹیں طلب کرلیں۔
