سعودی عرب نے کورونا کا شکار ویکسین شدہ افراد کے قرنطینہ کی مدت 7 دن کردی ہے ۔
سعودی وزارت صحت نے اعلان کیا کہ کورونا وائرس سے متاثرہ افراد جو مکمل ویکسینیٹڈ ہیں ان کے قرنطینہ کی مدت 7 دن کردی گئی ہے تاہم کورونا کا شکار غیر ویکسینیٹڈ افراد کو 10 دن قرنطینہ کرنا ہوگا۔
The Ministry of Health (@SaudiMOH) announced that the medical Isolation period of coronavirus-infected people has been reduced to seven days if they are fully vaccinated https://t.co/NQaASk3vF8
— Saudi Gazette (@Saudi_Gazette) January 5, 2022
وزارت نے واضح کیا کہ کورونا کے شکار افراد کے اس مدت میں صحتیاب ہونے کے بعد تاواکلنا ایپلی کیشن(مقامی ایپ جس پر شہریوں کے مکمل ویکسینیشن اور کورونا سے صحتیابی کی تصدیق کی جاتی ہے) پر مدافعتی حیثیت کو اپ ڈیٹ کیا جائے گا۔
وزارت صحت نے مزیدکہا کہ مطالعات سے پتہ چلتا ہے کہ ویکسین شدہ افرادکی بڑی اکثریت میں 5 سے 7 دن کے درمیان انفیکشن میں کمی آئے گی۔
