پاکستان کے کون سے شہر میں کورونا کی شرح سب سے زیادہ ہے؟

ملک بھر میں کورونا کی سب سےزیادہ شرح گلگت بلتستان میں ریکارڈ کی گئی ہے۔

وفاقی وزارت صحت کے مطابق گزشتہ 24 گھنٹوں میں گلگت بلتستان میں کورونا کے مثبت کیسز کی شرح 27.27 فیصد ریکارڈ کی گئی، اس کے بعد کراچی میں کووڈ کیسز مثبت آنے کی شرح 23.38 رہی۔

پشاور میں کورونا کے مثبت کیسز کی شرح 22.52، میرپورآزاد کشمیر میں 18.21، حیدرآباد میں 17.98، لاہور 13.53، اسلام آباد 12.76اور راولپنڈی میں 9.68فیصد ریکارڈ کی گئی۔

اس کے علاوہ گوجرانوالہ میں کوروناکیسزمثبت آنےکی شرح 5.67 فیصد جب کہ بہاولپور میں 3.05 فیصد ریکارڈ کی گئی۔