پاکستان میں کورونا کیسز میں تیزی سے کمی آرہی ہے اور گزشتہ 24 گھنٹوں میں شرح 2.51 ریکارڈ کی گئی ہے۔
پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 38139 ٹیسٹ کیے گئے جن میں سے 961 افراد میں کورونا وائرس کی تصدیق ہوئی جب کہ وائرس سے 13 ہلاکتیں ہوئیں۔
سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 2.51 فیصد رہی۔
Statistics 22 Feb 22:
Total Tests in Last 24 Hours: 38,139
Positive Cases: 961
Positivity %: 2.51%
Deaths :13
Patients on Critical Care: 1261— NFRCC (@NFRCCofficial) February 21, 2022
سرکاری پورٹل کے مطابق ملک میں کورونا سے ہلاکتوں کی تعداد 30053 ہو گئی اور مجموعی کیسز 15 لاکھ دو ہزار 641 تک جا پہنچے ہیں۔
اس کے علاوہ 24 گھنٹوں کے دوران ملک بھر میں 2393 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 14 لاکھ 6 ہزار 361 ہو گئی ہے۔
