شمالی وزیرستان کے علاقے ہمزونی میں سکیورٹی فورسز کے آپریشن میں 6 دہشت گرد ہلاک ہوگئے۔
آئی ایس پی آر کے مطابق خفیہ اطلاعات پر دہشت گردوں کے خلاف آپریشن شمالی وزیرستان کے علاقے ہمزونی میں کیا گیا۔
آپریشن کے دوران 6 دہشت گردوں کو ہلاک کردیا گیا، ہلاک دہشت گردوں میں محمد علی، مطیع اللہ، محمد عمر، اخترحسین شیر اور وسیم شامل ہیں۔
دہشت گردوں کے قبضے سے سب مشین گنز، دستی بم، بارودی سرنگیں اور گولیاں برآمد کر لی گئیں۔
آئی ایس پی آر کے مطابق دہشت گردوں کی موجودگی کی اطلاع پر بلوچستان کے علاقے سمبازہ میں بھی سکیورٹی فورسز نے آپریشن کیا جس میں ایک دہشت گرد ہلاک ہوگیا، یہ آپریشن ٹی ٹی پی کے دہشت گردوں کے خلاف کیا گیا جو قریبی علاقوں کے قبائلی اضلاع میں گھسنے کی کوشش کررہے تھے۔
