وزیراعظم شہباز شریف نے پشاور موڑ تا نیو اسلام آباد ائیرپورٹ میٹرو بس منصوبے میں تحقیقات کی انکوائری کا حکم دے دیا۔
وزیراعظم شہباز شریف کا پشاور موٹر میٹرو اسٹیشن پہنچنے پر کہنا تھا کہ منصوبے پر اب تک 16 ارب روپے کے قریب خرچ ہو چکے ہیں، یہ منصوبہ کیوں طویل عرصے سےالتوا کا شکار رہا؟ یہ قوم کا پیسا ہے، انکوائری کرنا ضروری ہے۔
شہباز شریف نے متعلقہ حکام کو ہدایت کی کہ عوام کا خیال کریں، منصوبےکی جلد تکمیل ضروری ہے، میٹروبسوں میں سامان رکھنےکا انتظام بھی ہونا چاہیے۔
بریفنگ کے دوران وزیراعظم کو بتایا گیا کہ ابتدائی طور پر اسلام آباد میٹرو کےلیے 15 بسیں مہیا کی جا رہی ہیں۔
دوسری جانب ترجمان مسلم لیگ ن مریم اورنگزیب کی جانب سے جاری بیان میں بتایا گیا کہ وزیرِاعظم 7 بجے اسلام آباد میٹرو بس پر کام کا جائزہ لینے پشاور موڑ میٹرو بس پہنچے۔
انہوں نے بتایا کہ منصوبہ نواز شریف کے دور میں 2017 میں شروع ہوا تھا اور 2018 میں مکمل ہونا تھا، پانچ سال کی تاخیر کے باوجود منصوبہ شروع نہ ہوا۔
وزیرِ اعظم شہباز شریف 7بجے اسلام آباد میٹرو بس پر جاری کام کا جائزہ لینے پشاور موڑ میٹرو بس پہنچے.منصوبہ وزیراعظم نواز شریف کے دور میں 2017 میں شروع ہوا2018 میں مکمل ہونا تھا۔۵سال کی تاخیر منصوبہ شروع نہ ہوا.اسی نالائقی نااہلی کی وجہ سے بیرونی ملک سازش کے جھوٹ کی رٹ لگائی ہوئی ہے pic.twitter.com/CR0eWwHOyc
— Marriyum Aurangzeb (@Marriyum_A) April 14, 2022
ترجمان ن لیگ نے بتایا کہ اسی نااہلی کے باعث بیرون ملک سازش کے جھوٹ کی رٹ لگا رکھی ہے، وزیراعظم نے سی ڈی اےکو 16 اپریل کو میٹرو بس پشاور روڈ تا ائیرپورٹ چلانے کا حکم دیا ہے۔
مریم اورنگزیب نے بتایا کہ وزیراعظم شہباز شریف نے بہارہ کہو، روات تا پشاور موڑ میٹرو بس چلانے اور موٹر وے کنکشن کی فزیبیلٹی فوری بنانے کا حکم دیا ہے۔
وزیراعظم شہباز شریف نے سی ڈی کو بروز ہفتہ 16 اپریل کو کو میٹرو بس سروس پشاور روڈ سے ائیرپورٹ تک چلانے کا حکم ۔ بہارہ کہو اور روات سے پشاور موڑ تک میٹرو سروس چلانے اور Motorway connection کی فیزیبیلٹی فوری بنانے کا حکم https://t.co/Ch2ajY4BRt
— Marriyum Aurangzeb (@Marriyum_A) April 14, 2022
