مسجد نبوی ﷺ میں گزشتہ روز وزیراعظم شہباز شریف اور وفاقی کابینہ کے ارکان کے ساتھ پیش آنے والے افسوسناک واقعے میں پی ٹی آئی رہنما اور عمران خان کے سابق مشیر صاحبزادہ جہانگیر بھی پیش پیش تھے۔
وزیراعظم شہباز شریف گزشتہ روز 13 رکنی وفد کے ہمراہ سعودی عرب کے 3 روزہ سرکاری دورے پر مدینہ منورہ پہنچے تھے۔
بعد ازاں وزیر اعظم اور ان کا وفد روضہ رسول ﷺ پر حاضری دینے پہنچا جہاں مسجد نبوی کے احاطے میں کچھ افراد نے نعرے بازی شروع کر دی۔
In poor taste PTI – there are some places that are above & beyond petty politics & this is quite evidently one of them.
Please don't say this is an organic outpouring of emotion, IK's friend & former advisor Sahibzada Jahangir can be seen in the video.#SaudiArabia #Pakistan pic.twitter.com/6hyIZFVuX5
— Yusra Askari (@YusraSAskari) April 28, 2022
سوشل میڈیا پر وائرل ہونے والی ویڈیو میں دیکھا جاسکتا ہے کچھ افراد مریم اورنگزیب اور شازین بگٹی کو گھیرتے ہوئے ان کے خلاف چور ،چورکے نعرے لگا تے ہوئے ویڈیوز بھی بنارہے ہیں۔
سوشل میڈیا پر وائرل ویڈیو میں پی ٹی آئی رہنما صاحبزادہ جہانگیر کو بھی دیکھا جا سکتا ہے۔
صاحبزادہ جہانگیر نے بھی سوشل میڈیا پر شاہ زین بگٹی اور مریم اورنگزیب کی مسجد نبوی ﷺ میں آمد کے موقع پر اپنے وہاں موجود ہونے کی تصدیق کی۔
پی ٹی آئی رہنما نے کہا کہ جب شاہ زین بگٹی اور مریم اورنگزیب مسجد نبوی ﷺ میں داخل ہوئے تو چور چور کے نعرے لگنا شروع ہو گئے۔
صاحبزادہ جہانگیر نے کہا کہ کسی بھی مسلمان کو مسجد نبوی ﷺ میں ایسا رویہ اختیار نہیں کرنا چاہیے، یہ بہت ہی افسوسناک، بہت ہی افسوسناک، بہت ہی افسوسناک ہے۔
