لاہور: برطرف گورنر پنجاب عمر سرفراز چیمہ نے آئینی ماہرین سے مشاورت شروع کردی۔
عمر سرفراز چیمہ کا کہنا ہےکہ مشاورت کے بعد آئینی اور قانونی لائحہ عمل کا اعلان کروں گا۔
دوسری جانب پنجاب حکومت کے ذرائع نے کہا ہےکہ عمر سرفراز چیمہ گورنر نہیں رہے اس لیے ان کو سکیورٹی نہیں دی جارہی۔
علاوہ ازیں گورنر ہاؤس کے باہر رکاوٹیں کھڑی کردی گئیں اور پولیس کو ہائی الرٹ کردیاگیا ہے۔
پولیس ذرائع کا کہنا ہےکہ عمر سرفراز چیمہ کو گورنر ہاؤس آنے پر داخلے کی اجازت نہیں دی جائے گی۔
