امریکی ریاست ٹیکساس کےایلیمنٹری اسکول میں منگل کے روز 18 سالہ نوجوان کی فائرنگ سے 19 کمسن طالبعلم اور 2 ٹیچر سمیت 21 افراد ہلاک ہوئے۔
برطانوی نشریاتی ادارے بی بی سی کے مطابق فائرنگ سے ہلاک ہونے والے 2 میں سے ایک خاتون ٹیچر ارما گارسیا کے شوہر جوئے بیوی کی موت کا صدمہ برداشت نہ کرسکے اور جمعرات کی رات کو دل کا دورہ پڑنے سے ہلاک ہوگئے۔
رپورٹس کے مطابق جوڑے کی شادی 24 سال قبل ہوئی تھی جبکہ ان کے پسماندگان میں چار بچے ہیں۔
اطلاعات کے مطابق گارسیا کے ایک بھتیجے نے ٹوئٹر پر اطلاع دی کہ جوئے اپنی اہلیہ کے قتل کے نتیجے میں غم کی وجہ سے چل بسے۔
EXTREMELY heartbreaking and come with deep sorrow to say that my Tia Irma’s husband Joe Garcia has passed away due to grief, i truly am at a loss for words for how we are all feeling, PLEASE PRAY FOR OUR FAMILY, God have mercy on us, this isn’t easy pic.twitter.com/GlUSOutRVV
— JohnMtz ☀️ (@fuhknjo) May 26, 2022
بی بی سی کے مطابق ارما گارسیا ٹیکساس کے روب ایلیمنٹری اسکول میں گزشتہ 23 سال سے پڑھا رہی تھیں۔
واضح رہے کہ ٹیکساس کے گورنر ایبٹ کے مطابق پولیس نے اسکول میں فائرنگ کرنیوالے نوجوان سیلواڈور راموس کو گولی مار کر ہلاک کردیا تھا۔
