وزیر اعظم شہباز شریف نے بجٹ 23-2022کو پاکستان کی معاشی بہتری اور استحکام کی طرف ٹھوس قدم قرار دے دیا۔
شہباز شریف نے ٹوئٹر پر بیان جاری کرتے ہوئے کہا کہ ‘ انتہائی بُرے معاشی حالات میں بہترین بجٹ اتحادی حکومت کے اخلاص اور قابلیت کا مظہر ہے ،بجٹ میں صاحب استطاعت سے قربانی مانگی گئی اور کمزور طبقات کو آسانی دی گئی’ ۔
ان کا کہنا تھا کہ زرعی مشینری،آلات،بیجوں سے اس شعبےسے منسلک آلات کو ٹیکس سے استثنیٰ دینے سے گرین انقلاب برپا ہوگا اور فصلوں کی پیداوار بڑھے گی۔
These are difficult times brought upon us by recent years of economic mismanagement. Through this budget, my govt will steer our way out of these challenges by taking tough decisions while minimising impact on vulnerable segments of population.
— Shehbaz Sharif (@CMShehbaz) June 10, 2022
وزیر اعظم نے کہا کہ وعدے کے مطابق ہائر ایجوکیشن سیکٹر کے بجٹ میں کوئی کٹوتی نہیں کی گئی اور ایچ ای سی کا ترقیاتی بجٹ 26ارب سے بڑھا کر 44 ارب روپے کردیا گیا۔
انہوں نے کہا کہ سیاسی مفاد کا نہیں سوچا، پاکستان اور 22 کروڑ عوام کا مفاد دیکھا ہے ۔بجٹ تیاری میں شریک ٹیم خاص طور پر وزیر خزانہ اور ان کے تمام ساتھیوں کو شاباش دیتا ہوں۔
واضح رہے کہ وزیر خزانہ مفتاح اسماعیل نے گزشتہ روز قومی اسمبلی میں مالی سال 23-2022 کا 95 کھرب 2 ارب روپے کا وفاقی بجٹ پیش کیا۔
