بھارتی کرکٹ ٹیم ان دنوں انگلینڈ کے دورے پر ہے جہاں اس نے دورے کی تیاری کے لیے انگلش کاؤنٹی کی ٹیم ڈربی شائر کے خلاف یکم جولائی کو وارم اپ ٹی ٹوئنٹی میچ کھیلنا ہے۔
دوسری جانب پاکستان کرکٹ ٹیم کے بیٹر شان مسعود رواں کاؤنٹی چیمپئن شپ اور ٹی ٹوئنٹی ویٹالیٹی بلاسٹ میں ڈربی شائر کی نمائندگی کررہے ہیں۔
ذرائع کے مطابق یکم جولائی کو بھارت کے خلاف ٹی ٹوئنٹی میچ میں شان مسعود انگلش کاؤنٹی کی ٹیم ڈربی شائر کی نمائندگی کرتے ہوئے میچ میں کپتانی کی ذمہ داریاں نبھائیں گے۔
An in-form #DCCC vs the best international T20 side on the planet: @BCCI 🇮🇳🔥
Falcons vs India: Aston Lark Tour Fixture 🏏
Don't miss the blockbuster clash at The Incora County Ground this Friday!
Buy tickets now ⤵️
— Derbyshire CCC (@DerbyshireCCC) June 26, 2022
رپورٹس کے مطابق ڈربی شائر کے خلاف وارم اپ ٹی ٹوئنٹی میچ میں بھارت کے ٹیسٹ اسکواڈ میں شامل کھلاڑی نہیں کھیلیں گے۔
واضح رہے کہ کورونا کے باعث ملتوی ایجبیسٹن ٹیسٹ میچ اب بھارت نے انگلینڈ کے خلاف یکم سے 5 جولائی تک کھیلنا ہے۔
بھارت دورہ انگلینڈ پر تین ایک روزہ، تین ٹی ٹوئنٹی اور ایک ری شیڈول ٹیسٹ میچ کھیلے گا۔
