قومی ٹیم کے وکٹ کیپر بیٹر محمد رضوان کی ایشیا کپ کے سپر فور مرحلے میں بھارت کو شکست دینے کے بعد کی گئی ٹوئٹ وائرل ہو گئی۔
ٹوئٹر پر اپنی تصویر کے ہمراہ مقابلے کی مختلف تصاویر شیئر کرتے ہوئے محمد رضوان نے ایک پیغام جاری کیا۔
شیئر کی گئی تصاویر میں سے ایک میں رضوان کو مقابلے کے دوران اسٹیڈیم میں ہی ہاتھ اٹھا کر دعا مانگتے جبکہ دیگر تصاویر مختلف مراحل میں قومی ٹیم کے خوشی کے اظہار کی ہیں۔
Sirf Allah se hota hai.
Jeet ho ya haar, hum ne is game ko enjoy kerna hai. Larna hai akhri ball tak. Or agar Allah SWT hame fatah ata ker dain to kabhi asi batain or andaz nahi apnana jis se takabbur jhalakta ho.
Well played team. Pakistan ko Mubarak ho. Good fight India! 👏 pic.twitter.com/2LU2RdO5xj
— Muhammad Rizwan (@iMRizwanPak) September 4, 2022
شیئر کی گئی ٹوئٹ میں رضوان نے لکھا کہ’صرف اللہ سے ہوتا ہے، جیت ہو یا ہار ہو ہم نے اس گیم کو انجوائے کرنا ہے، آخری بال تک لڑنا ہے‘۔
محمد رضوان نے اپنی ٹوئٹ میں واضح کیا کہ’اگر اللہ ہمیں جیت عطا کر دے تو کبھی ایسی باتیں یا ایسا انداز نہیں اپنانا جس سے تکبر جھلکتا ہو‘۔
پاکستانی بیٹر نے اپنے پیغام میں ٹیم کو شاندار مقابلے میں فتح پر مبارکباد بھی دی۔
یاد رہے کہ ایشیا کپ ٹی ٹوئنٹی ٹورنامنٹ کے سپر فور مرحلے میں پاکستان نے گزشتہ روز دلچسپ مقابلے کے بعد بھارت کو آخری اوور میں 5 وکٹوں سے شکست دے کر گروپ میچ میں ہار کا حساب برابر کردیا۔
